චීන රජයේ ආධාර මත අඩු ආදායම්ලාභීන්, කලාකරුවන් හා මාධ්යවේදීන් වෙනුවෙන් ඉදිකිරීමට නියමිත නිවාස 1,996 යේ ව්යාපෘතිය ආරම්භ කිරීම කඩිනම් කරන්න නියමිතව තිබෙනවා.
චීන රජයේ ආධාර මත අඩු ආදායම්ලාභීන්, කලාකරුවන් හා මාධ්යවේදීන් වෙනුවෙනුයි මෙම ව්යාපෘතිය ඉදි වන්නේ.
නාගරික සංවර්ධන හා නිවාස අමාත්යංශ සඳහන් කරන්නේ ඒ, අනුව මාර්තු මස මුලදී මෙහි ඉදිකිරීම් කටයුතු ආරම්භ කිරීමට අපේක්ෂා කරන අතර ඊට පෙර මෙම ව්යාපෘතියේ මූලික කටයුතු චීන රජයේ නියෝජිතයින් සමඟ සාකච්ඡා කර අවසන් කිරීමට නියමිත බවයි.
චීන රජය විසින් මෙම ව්යාපෘතිය සඳහා යුවාන් මිලියන 552ක මූල්යාධාරයක් ලබාදෙන අතර එය ආසන්න වශයෙන් ශ්රී ලංකා මුදලින් රුපියල් බිලියන 24.48ක් වෙනවා.
වසර තුනක් ඇතුලත ඉදි කෙරෙන මෙම නිවාස 1,996 න් නිවාස 1,888 ක් කොළඹ ජීවත්වන අඩු ආදායම්ලාභීන්ටත්, නිවාස 108ක් කලාකරුවන් හා මාධ්යවේදීන් සඳහාත් වෙන් කර තිබෙනවා.
ඒ අනුව පෑලියගොඩ දුටුගැමුණු පාර නිවාස 615ක්, දෙමටගොඩ එළුමඩුව වත්ත නිවාස 586 ක්, මොරටුව බැටරි වත්ත, නිවාස 575 ක්, මහරගම අඹවත්ත නිවාස 112 ක් සහ කොට්ටාව පළතුරුවත්ත නිවාස 108ක් වශයෙන් ඉදි කෙරෙන අතර කලාකරුවන් සහ මාධ්යවේදීන් සදහා වෙන් කරන්නේ කොට්ටාව පළතුරුවත්ත නිවාස 108 යි.
