පන්දුවාර 20/20 ලෝක කුසලාන තරඟාවලියේ ජය ඉන්දීය කණ්ඩායම විසින් දිනාගැනීමට සමත් වුණා.
කාසියේ වාසිය දිනාගත් ඉන්දීය කණ්ඩායම පළමුව පන්දුවට පහරදීමට තීරණය කළ අතර ඕවර 20 අවසානයේදී ලකුණු 176ක් වාර්තා කළා. ඒ කඩුලු 7කටයි. විරාත් කෝලි සිය 20/20 තරඟ ඉතිහාසයේ 38 වැනි අර්ධ ශතකය වාර්තා කරනු ලැබුවා.
177ක ඉලක්කයක් හඹා ගිය දකුණු අප්‍රිකානු කණ්ඩායමට හැකි වූයේ පන්දුවාර 20 අවසානයේදී කඩුලු 8ක් දැවී ලකුණු 169ක් ලබා ගැනීමට පමණයි. දකුණු අප්‍රිකානු පිතිකරු හෙන්රි කාල්සන් අර්ධ ශතකයක් වාර්තා කළා.
