මහනුවර ජාතික රෝහලේ හෘද රෝග ඒකකය ඉදිරිපිට රැඳී සිටි කාන්තාවකට මත් ද්‍රව්‍යයක් කලවම් කළ කොළකැඳ පානය කිරීමට දී සිහි නැති වූ පසු ඇයගේ රන් ආභරණ ගලවාගෙන නාඳුනන කාන්තාවක පලාගොස් ඇතැයි මහනුවර මූලස්ථාන පොලිසියට වාර්තා කර තිබෙනවා.
මෙම කාන්තාව මහනුවර ජාතික රෝහලේ හෘද රෝග ඒකකයේ ප්‍රතිකාර ලබන තම සැමියා බැලීමට පැමිණ ඇති අතර එහි සිටි තවත් කාන්තාවක සමඟ ඇය කතා කර හිතවත් වී ඇය රැගෙන ආ කොළ කැඳ පානය කිරීමට දී ඇති අතර පසුව ඇය සිහිසුන් වී ඇති බවයි සඳහන් වන්නේ.
සිහිසුන් වූ කාන්තාවට සිහිය පැමිණි අවස්ථාවේ ඇය සතු රන් ආභරණ හා මුදල් ද නොමැති බව සඳහන් කර තිබෙනවා.
