2024 පළාත් පාලන ආයතන ඡන්ද විමසීමට අදාළව ඇල්පිටිය ප්රාදේශීය සභාව සඳහා නාමයෝජනා භාරගැනීම සම්බන්ධයෙන් මැතිවරණ කොමිෂන් සභාව නිවේදනයක් නිකුත් කර තිබෙනවා.
ඒ අනුව 2024 පළාත් පාලන ආයතන ඡන්ද විමසීම සඳහා නාමයෝජනා භාරගැනීමේ නිවේදනය අද (26) දින ඇල්පිටිය ප්රාදේශීය සභාවේ තේරීම්භාර නිලධාරියා විසින් ප්රසිද්ධ කොට ඇති බව සඳහන්.
ඡන්ද විමසීම සඳහා ඇප මුදල් තැන්පත් භාරගැනීම අද සිට සැප්තැම්බර් 11 වන දින මධ්යහ්න 12 දක්වා (මෙම කාලය අතරතුර එළැඹෙන 2024 අගෝස්තු 31 හා 2024 සැප්තැම්බර් 1, 7 හා 8 යන සෙනසුරාදා හා ඉරිදා දිනවල දී හැර) සිදු කරනු ලබනවා.
ඡන්දය සඳහා නාමයෝජනා භාරගැනීම 2024 සැප්තැම්බර් 9 සිට සැප්තැම්බර් 12 දින මධ්යහ්න 12 දක්වා ගාල්ල දිස්ත්රික් ලේකම් දිසාපති කාර්යාලයේ දී සිදුකරන බවයි මැතිවරණ කොමසාරිස් ජනරාල්, සමන් ශ්රී රත්නායක දැනුම් දෙන්නේ.
