පොලිස් දෙපාර්තමේන්තුවේ ජ්‍යෙෂ්ඨතම නිලධාරීන් රැසකගේ තනතුරුවල මාරුවීමක් ඉදිරි දිනවලදී සිදුවීමට නියමිතව ඇතැයි පොලිස් මූලස්ථාන ආරංචි මාර්ග පවසනවා.
එහිදී වැඩ බලන පොලිස්පතිවරයකු ද පත් කිරීමට නියමිතව ඇති බවයි සඳහන් වන්නේ.
වැඩ බලන පොලිස්පති ධුරය සඳහා ජ්‍යෙෂ්ඨ නියෝජ්‍ය පොලිස්පතිවරුන් වන ලලිත් පතිනායක සහ ප්‍රියන්ත වීරසූරිය යෝජනා වී ඇති බවද එම ආරංචි මාර්ග සඳහන් කරනවා.
ඒ අනුව ඉකුත් රජයේ දේශපාලන අවශ්‍යතාවන් මත පත් කර සිටි උසස් නිලධාරීන් කිහිප දෙනකු ඉදිරි දිනවලදී එම තනතුරුවලින් ඉවත් කර ඒ සඳහා දක්ෂ පළපුරුදු නිලධාරීන් පත් කිරීමට නියමිතව ඇති බවද සඳහන්.
මහජන ආරක්ෂක අමාත්‍යාංශයේ ලේකම් විශ්‍රාමික ජ්‍යෙෂ්ඨ නියෝජ්‍ය පොලිස්පති රවී සෙනෙවිරත්නගේ උපදෙස් මත මෙම මාරුවීම් සිදු කිරීමට නියමිතයි.
නියමයි 🙏🙏🌹