හැටන්, කොළඹ A7 ප්‍රධාන මාර්ගයේ කොටසක් ගිලා බැසීම හේතුවෙන් රථ වාහන ගමනාගමනය එක් මංතීරුවකට සීමා කර ඇති බව ගිනිගත්හේන පොලිසිය පවසනවා.
හැටන්, කොළඹ ප්‍රධාන මාර්ගයේ ගිනිගත්හේන කෝවිල අසල ප්‍රධාන මාර්ගයේ කොටසක් මෙසේ ගිලා බැසීමට ලක් ව තිබෙනවා.
එම ස්ථානය මීට පෙර ද ගිලා බැසීමට ලක් වූ ස්ථානයක් බවයි පොලිසිය සඳහන් කළේ.
ගිලා බැස ඇති ස්ථානයෙන් වාහන ධාවනය කිරීමේදී සැලකිලිමත් වන ලෙස පොලිසිය රියැදුරන්ගෙන් වැඩිදුරටත් ඉල්ලා සිටිනවා.
