පාස්කු ප්රහාරය පිළිබඳ සත්ය අනාවරණය කිරීමට තමා ඇතුළු සමගි ජන බලවේගයේ සහ සමගි ජන සන්ධානයේ සියලුදෙනා සූදානම් බව විපක්ෂ නායක සජිත් ප්රේමදාස පවසනවා.
කොළඹ අගරදගුරු නිවසේදී කාදිනල් මැල්කම් රංජිත් හිමිපානන් ඇතුළු කොළඹ පදවියේ සහායක රදගුරුතුමන්ලා මුණගැසී ආශිර්වාද ලබාගත් අවස්ථාවේ විපක්ෂ නායකවරයා මේ බව කියා සිටියා.
පාස්කු ප්රහාරයේ සත්ය අනාවරණය කිරීම සම්බන්ධයෙන් තමාට පැහැදිලි වැඩපිළිවෙළක් ඇති බවත්, එය පාර්ලිමේන්තුවේදී පවා සභාගත කර ඇති බවත් ඔහු සඳහන් කළා.
මෙරට කතෝලික ප්රජාව ප්රමුඛ සමස්ත ජනතාවගේ අපේක්ෂාව වන්නේ පාස්කු ප්රහාරය සම්බන්ධයෙන් වූ පරීක්ෂණ විනිවිදභාවයෙන් සිදු වූවාද, යන්න බැවින් ඒ සම්බන්ධයෙන් විනිවිදභාවයෙන් පරීක්ෂණ සිදුකර කාදිනල් හිමි ප්රමුඛ කතෝලික සභාව දැනුවත් කරන බවයි විපක්ෂ නායකවරයා වැඩිදුරටත් පවසන්නේ.
