රාජ්ය සේවය නියෝජනය කරමින් වෘත්තීය සමිති 200 කට අධික සංඛ්යාවක් අද (08) සහ හෙට (09) දිනයන් හීදී අසනීප නිවාඩු දමා සංකේත වැඩ වර්ජනයක නිරතවන බව රාජ්ය සේවා වෘත්තීය සමිති සන්ධානය පවසනවා.
ඒ අනුව තැපැල්, මිනින්දෝරු, ගොවි නියාමක, ග්රාම නිලධාරීන්, සංවර්ධන නිලධාරීන්, සමෘද්ධි නිලධාරීන් ඇතුළු ක්ෂේත්ර කීපයක රාජ්ය නිලධාරින් අද දිනයේ වැඩ වර්ජනයේ නිරතවීමට නියමිතයි.
වැටුප් ඉහළ නැංවීම ඇතුළු ඉල්ලීම් කිහිපයක් මුල්කරගනිමින් මෙම වෘත්තීය සමිති ක්රියාමාර්ගයේ නිරත වන බවයි රාජ්ය හා පළාත් රාජ්ය කළමනාකරණ සංගමයේ සභාපති එන්.එම් විජේරත්න පවසන්නේ.
මෙම වෘත්තීය සමිති ක්රියාමාර්ගය සඳහා සහාය පළ කරමින් ඊයේ (07) පස්වරු 4 සිට තැපැල් සේවකයින් ද වර්ජනයක නිරත වන බව සඳහන්.
එමෙන්ම ලංකා ගුරු සංගමයේ ප්රධාන ලේකම් ජෝසප් ස්ටාලින් පැවසුවේ ගුරු විදුහල්පති වෘත්තීය සමිති අද දිනයේ සේවයට වාර්තා කළ ද හෙට දිනයේ අසනීප නිවාඩු වාර්තා කිරීමට තීරණය කර ඇති බවයි.
කෙසේ වෙතත් සෞඛ්ය කේෂ්ත්රයට අදාළව රජයේ වෛද්ය නිලධාරීන්ගේ සංගමය සහ හෙද සංගම් මෙම වර්ජනයට සහාය නොදීමට තීරණය කර තිබෙනවා.
