පාර්ලිමේන්තු මන්ත්රී දයාසිරි ජයසේකර විසින් පසුගිය දිනෙක අකුරැස්ස ප්රදේශයේ පැවති රැස්වීමකදී සමගි ජන බලවේගයෙන් රජයට එක් වූ වේලු කුමාර් මන්ත්රීවරයා සම්බන්ධයෙන් සිදුකළ අපහාසාත්මක ප්රකාශය සමාජ මාධ්ය ජාල ඔස්සේ ප්රචාරය කිරීම වළක්වාලමින් කොළඹ දිසා අධිකරණය අද (05) වාරණ නියෝගයක් නිකුත් කර තිබෙනවා.
දයාසිරි ජයසේකර මන්ත්රීවරයා විසින් ඉකුත් දා අකුරැස්ස ප්රදේශයේ පැවති රැස්වීමකදී සිදුකළ ප්රකාශයකින් සිය කීර්තියට සිදුවූ හානිය වෙනුවෙන් රුපියල් මිලියන පන්සියයක වන්දියක් අයකර දෙන ලෙස ඉල්ලා වේලු කුමාර් මන්ත්රීවරයා විසින් ගොනුකළ පැමිණිල්ලක් සලකා බැලීමෙන් අනතුරුව කොළඹ දිසා අධිකරණය මෙම නියෝගය නිකුත් කරනු ලැබුවා.
ඒ අනුව අදාළ ප්රකාශය දයාසිරි ජයසේකරගේ ෆේස්බුක් පිටුවේ සහ සමගි ජන බලවේගයේ ෆේස්බුක් පිටුව ඇතුළු සමාජ මාධ්යවල පළ කිරීම වළක්වාලමින් මෙම වාරණ නියෝගය නිකුත් කළ අතර එය දින 14ක් බලපැවැත්වෙන බවයි අධිකරණ නියෝගයේ සඳහන් කර ඇත්තේ.
