විදේශ රැකියා අවස්ථා තිබෙන තමන් කැමති වෘත්තිය විෂය ක්ෂේත්රයක් ඔස්සේ වෘත්තිය පුහුණුව ලැබීම සඳහා මෙරට තරුණ තරුණින් 50,000කට රජය මඟින් අදාළ පුහුණු ගාස්තුව ගෙවීමට කටයුතු කරන බව ජනාධීපති රනිල් වික්රමසිංහ පවසනවා.
වෘත්තීය සංසදය සඳහා පැවති “ආස්ක් මී – එනිතින්ග්” විශේෂ වැඩසටහනේ දී යොමුවූ ප්රශ්නයකට පිළිතුරු ලබාදෙමින් ජනාධිපතිවරයා මෙම අදහස් පළ කරනු ලැබුවා.
එමෙන්ම විදෙස් ගමන් බලපත්ර ලබාගැනීම සඳහා පවතින තදබදය කඩිනමින් විසඳීමට කටයුතු කරන බවත් මෙරට විදේශ ගමන් බලපත්රය ඩිජිටල්කරණය කිරීමේ වැඩපිළිවෙළ කිසි විටෙකත් අත්නොහරින බවත් මෙම වැඩසටහනේදී ඔහු අවධාරණය කළා.
“ඩිජිටල්කරණය කම්කරු අංශයේත් ආරම්භ කළ යුතුයි. හැම කේෂ්ත්රයේම ඒක කරන්න යනවා. දෙවනුව තියෙන්නේ අපි කවුරුවත් රට යන එක නවත්තලා නෑ. විශේෂයෙන්ම මගේ අදහස නම් අපේ තරුණයින්ට යන්න කැමති අයට අපි ඉඩදීලා රටවල්වලට කතා කරලා යන කණ්ඩායම් වැඩිකරන්න කියනවා.”
“මම දැනටම නැගෙනහිර ආසියානු රටවල් එක්ක කතා කරනවා. ඒ විතරක් නෙමෙයි අපේ වැඩසටහන යටතේ තරුණ තරුණියන් 50,000කට අපේ මුදල් දෙනවා තමන් කැමති වෘත්තීය විෂයක් තෝරාගන්න පිටරට රැකියා ලබාදෙන එකක් තෝරාගෙන පුහුණුවෙන්න. පුහුණු ගාස්තු අපි ගෙවන්නම්. පුද්ගලික ආයතනයෙන් පුහුණු වුණත් රජයේ ආයතනයකින් පුහුණු වුණත් 50,000කට අපි සල්ලි දෙනවා, පිටරට වෙළෙඳපොළ් රැකියාවලට පුහුණුවෙලා රට යන්න.”
