මාලදිවයිනේ අලුතින් තේරී පත් වූ ජනාධිපති මොහොමඩ් මුයිසුගේ පළමු රාජ්‍ය සංචාරය චීනයේ සිදු කර තිබෙනවා. ඉන්දියාව එහි ස්වෛරීභාවයට තර්ජනයක් ලෙස හඳුන්වා දුන් ව්‍යාපාරයකින් පසු මාලදිවයින, චීනය සමඟ ඔවුන්ගේ සබඳතාව වැඩිදියුණු කරගෙන ඇති බවයි වාර්තා වන්නේ.
මාලදිවයින, චීනය සමඟ දේශගුණය, කෘෂිකර්මය සහ යටිතල පහසුකම් වැනි විෂය සම්බන්ධව නව ගිවිසුම් කිහිපයකට බදාදා අත්සන් තැබූ බව වාර්තා වුණා.
චීන ජනාධිපති ෂී ජින්පින්, “පුළුල් උපායමාර්ගික සමුපකාර හවුල්කාරිත්වයකට” එකඟ වෙමින් ආසියානු යෝධයා ඉන්දියානු සාගර දූපත් සමූහයේ තවදුරටත් ආයෝජනය සඳහා වේදිකාව සකසන බැවින් මාලදිවයින “පැරණි මිතුරෙකු” ලෙස හඳුන්වනු ලැබ තිබෙනවා.
ෂී සමඟ සාකච්ඡාවලදී, මුයිසු මාලදිවයිනේ ආර්ථික සාර්ථකත්වය සහ යටිතල පහසුකම් සංවර්ධනය සඳහා චීනයේ සැලකිය යුතු කාර්යභාරය වෙනුවෙන් කෘතඥතාව පළ කළා.
“මාලදිවයිනේ ජාතික තත්ත්වයන්ට ගැළපෙන සංවර්ධන මාවතක් ගවේෂණය කිරීමේදී මාලදිවයිනට ගරු කරන සහ සහාය දෙන” බව චීන ජනාධිපතිවරයා වැඩිදුරටත් පවසා තිබෙනවා.
එහෙත් ලෝක බැංකුව විසින් පසුගිය ඔක්තෝම්බර් මාසයේ මාලදිවයිනට අනතුරු ඇඟවූයේ චීන සුහදතාව කරදර ඇති කළ හැකි බවයි. ඒ මාලදිවයිනේ විදේශ ණය වන ඩොලර් බිලියන 1.37න් සියයට 20ක් නියෝජනය කරන නිසා බැව් සඳහන් වුණා.
චීනය මාලදිවයිනේ විශාලතම ද්විපාර්ශ්වික ණය හිමියා වන අතර, එය පිළිවෙලින් ඩොලර් මිලියන 124 ක් සහ ඩොලර් මිලියන 123 ක් ණය වී සිටින සෞදි අරාබිය සහ ඉන්දියාවට වඩා ඉදිරියෙන් සිටිනවා.
විශේෂයෙන්ම “ඉන්ඩියා අවුට්” වේදිකාවක උද්ඝෝෂණය කළ මුයිසු බලයට පත්වීමෙන් පසු මාලදිවයින සමඟ ඉන්දියාවේ සබඳතා පළුදු වී ගියා.
