ක්ෂුද්ර මූල්ය ආයතන නියාමනය කිරීමට නව පණතක් පාර්ලිමේන්තුවට ඉදිරිපත් කරන බව අධිකරණ, බන්ධනාගාර කටයුතු හා ආණ්ඩුක්රම ව්යවස්ථා ප්රතිසංස්කරණ අමාත්ය, ජනාධිපති නීතිඥ විජයදාස රාජපක්ෂ පවසනවා.
ඇතැම් ක්ෂුද්ර මූල්ය ආයතන රටට පිළිකාවක් වී ඇති බවත්, එම ආයතන මහ බැංකුව තුළින් නොවන වෙනම ආයතනයක් පිහිටුවීම තුළින් නියාමනය කිරීමට අවශ්ය පියවර ගත යුතු බවත් අමාත්යවරයා එහිදී පෙන්වා දුන්නා.
එහිදී වැඩිදුරටත් අදහස් දැක්වූ අමාත්යවරයා,
“ක්ෂුද්ර මූල්ය ආයතන මේ රටට මහත් පිළිකාවක් බවට පත්වෙලා තිබෙනවා. කිසිම නීතියක්, නියාමනයක් නැහැ. මහ බැංකුවේ ලියාපදිංචි වෙලත් නැහැ. පිළිගත් මූල්ය ආයතනවලින් ජනතාවට ණයක් ගන්න අපහසුයි. ඒවායේ නීතිරීති වැඩියි. ජනතාව වැඩි වශයෙන් මෙම ක්ෂුද්ර මූල්ය ආයතන හරහා ණය ලබා ගන්නේ ඒ නිසයි. මහ බැංකුව වෙනුවට ක්ෂුද්ර මූල්ය ආයතන නියාමනය සඳහා වෙනම ආයතනයක් පිහිටුවිය යුතුයි. ක්ෂුද්ර මූල්ය ආයතන විසින් සිදුකරන බරපතළ දේ තවදුරටත් සිදුකිරීමට ඉඩදෙන්න බැහැ. ඒ නිසා මේවා පාලනය කිරීමට නව නීති පනත් ගෙන ඒමට ද කටයුතු කරනවා.”
