මාලඹේ, පිට්ටුගල කහන්තොට පාර ප්රදේශයේ දෙමහල් නිවසක පවත්වාගෙන ගිය ගංජා වගාවක් බස්නාහිර පළාත දකුණ දිසාව භාර අපරාධ කොට්ඨාසයේ නිලධාරීන් විසින් ඊයේ (18) දහවල් වටලා තිබෙනවා.
අදාළ නිවසේ පහත මහලේ කාමරයක් වායු සමනය කර ගංජා පැළ 174කට ආසන්න ප්රමාණයක් වගා කර තිබූ බවයි සඳහන් වන්නේ.
වැටලීම සිදුකරන අවස්ථාවේ දී සැකකරුවෙකු කුෂ් මත්ද්රව්ය පාර්සල් කරමින් සිට ඇති අතර සොයා ගත් කුෂ් මත්ද්රව්ය තොගයේ වටිනාකම රුපියල් කෝටි දහයක් පමණ වන බව පොලීසිය ප්රකාශ කරනවා.
තේ ඇසුරුම් කිරීමේ ආයතනයක් ලෙසින් පවත්වාගෙන ගොස් ඇති අදාළ නිවස කුලී පදනම මත ලබාගත් බව සඳහන්.
අත්අඩංගුවට ගත් සැකකරුවන් අවුරුදු 25 සහ 48 යන වයස්වල පසුවන්නන් වන අතර ඔවුන් කඩුවෙල මහේස්ත්රාත් අධිකරණය වෙත ඉදිරිපත් කිරීමට නියමිතයි.
