දහසය හැවිරිදි පිරිමි දරුවෙකු මෝටර් රථයකින් පැහැරගෙන යමින් සිටි පොලිස් කොස්තාපල්වරුන් දෙදෙනෙක් ඇඹිලිපිටිය පොලිසිය මගින් අත්අඩංගුවට ගෙන තිබෙනවා.
ඇඹිලිපිටිය පල්ලේගම පදිංචි 16 හැවිරිදි දරුවෙකු පැහැරගෙන යන බවට 11 දා ලද තොරතුරකට නෝනාගම මාර්ගයේ නවතා තිබූ වාහනයක් පරීක්ෂා කිරීමේදී එහි සිටි සිව් දෙනෙකු සහ දරුවා හමු වී තිබෙනවා.
අත්අඩංගුවට පත්ව ඇති පොලිස් විශේෂ කාර්ය බලකායට අනුයුක්තව සේවය කරන කොස්තාපල්වරයෙක් සහ මීගොඩ පොලිසියට අනුයුක්තව සේවය කරන පොලිස් කොස්තාපල්වරයෙක් බව වාර්තා වුණා. පැහැරගැනීමට හේතුව මෙතෙක් අනාවරණය වී නැති බව සඳහන්.
