ජාතික අධ්‍යාපන විද්‍යාපීඨවලට නව ශික්ෂණලාභීන් බඳවා ගැනීමට තීරණය කර තිබෙනවා. ඔවුන් ලියාපදිංචි කිරීම මෙම මස (අගෝස්තු) 10 වෙනිදා සිට ආරම්භ කිරීමට නියමිතයි.
විද්‍යාපීඨ ආචාර්යවරුන්ගේ පැවති වැටුප් ප්‍රශ්නය විසඳීමට ඒ සඳහා පත් කර ඇති අමාත්‍ය මණ්ඩල උපකමිටුව ප්‍රතිපත්තිමය තීරණයක් ගෙන තිබෙනවා. 2024 සිට එම ප්‍රශ්නය වෙනුවෙන් වන ප්‍රතිපත්තිමය ක්‍රියාමාර්ග ආරම්භ වෙනු ඇති බවයි සඳහන් වන්නේ. එසේ ම අධ්‍යාපන විද්‍යාපීඨවල පවතින හදිසි අවශ්‍යතා සපුරා ගැනීමට ලෝක බැංකු ප්‍රතිපාදන ලබා ගැනීමට ද සාකච්ඡා කෙරෙන බව වාර්තා වෙනවා.
