පාර්ලිමේන්තු සැසිවාරය සමාජ මාධ්ය ඔස්සේ සජීවීව පටිගත කිරීමේ නිරත වූ සමගි ජන බලවේගයේ පාර්ලිමේන්තු මන්ත්රී නලින් බණ්ඩාර ජයමහට එරෙහිව පියවර ගන්නා ලෙස රාජ්ය අමාත්ය සනත් නිශාන්ත කථානායක මහින්ද යාපා අබේවර්ධනගෙන් ඉල්ලා සිටියා.
ඒ පසුගියදා කථානායකවරයා විසින් එය නවත්වන ලෙස නියෝග කර තිබියදී පාර්ලිමේන්තු මන්ත්රී ජයමහ සැසිවාර සජීවීව පටිගත කිරීමක නිරත වූ නිසයි.
එසේම රාජ්ය අමාත්යවරයා සඳහන් කරන්නේ මන්ත්රීවරයා ස්ථාවර නියෝග 91 කඩකර තිබෙන අතර ඊට අමතරව විපක්ෂ නායක සජිත් ප්රේමදාස ඔහුට අභියෝග කර තිබෙන බවයි.
තව ද මේ මන්ත්රීවරුන්ට මේ විදියට හැසිරෙන්න දෙන්න බැරි බවත් ඔවුන්ගේ හැසිරීම්වලින් සනත් නිශාන්තගේ පාර්ලිමේන්තු වරප්රසාද කඩ වූ බවත් ඔහු පවසනවා.
ඊට ප්රතිචාර දැක්වූ පාර්ලිමේන්තු මන්ත්රී ජයමහ කියා සිටියේ ස්ථාවර නියෝග 91 සඳහන් කරන්නේ සහෝදර මන්ත්රීවරයෙකුට අපහාස කිරීම මිස පටිගත කිරීමක් නොවන බවයි.
එසේම ඔහු සමහර බූරුවන් ස්ථාවර නියෝග ගැන දන්නේ නැති නිසා දේවල් කියන බවත් ඔවුන්ට එසේ කිරීමට ඉඩ නොතැබිය යුතු බවත් පාර්ලිමේන්තු මන්ත්රී ජයමහ පවසනවා.
