යුද හමුදාපතිවරයා සම්බන්ධයෙන් අසත්ය ,ද්වේශ සහගත හා අපහාසාත්මක හා අපකීර්තිමත් වීඩියෝ හා ප්රකාශ නිර්මාණය කර සමාජ මාධ්ය මගින් ප්රචාරය කළ සමාජ මාධ්ය ක්රියාකාරී සාලිය රණවක විත්තිකරුට විදුලි සන්දේශ නියාමක කොමිෂන් පනත ප්රකාරව සිතාසි භාරදීමට කොළඹ ප්රධාන මහේස්ත්රාත් තිළිණ ගමගේ ඊයේ (29) නියෝග කළා.
විත්තිකරු ඊයේ (29) දින අධිකරණයේ පෙනී නොසිටීම සම්බන්ධයෙන් ඉදිරිපත් වූ කරුණු සලකා බැලීමෙන් පසුව මෙම නියෝගය නිකුත් කරනු ලැබුවා.
වග උත්තරකරුට ඊමේල් පණිවිඩ මගින් යැවූ සිතාසිය ලැබී ඇති බවට ඔහු දැක්වූ ප්රතිචාර මගින් පෙනී යන බවත්, පිස්කෙල්වරයා මගින් සිතාසි භාරදීමට නොහැකි වී ඇති බැවින් යලිත් සිතාසිය යොමු කරන ලෙසට පැමිණිල්ල වෙනුවෙන් කරුණු දැක්වූ නීතිඥ එම්. මොහොමඩ් ෆර්ෂාන් අධිකරණයෙන් ඉල්ලා සිටි බව සඳහන්.
යුධ හමුදාපති ලුතිනල් ජෙනරාල් විකුම් ලියනගේ පැවරූ නඩුව යළි කැඳවූ අවස්ථාවේදී මෙම නියෝග නිකුත් කිරිමට පියවර ගත්තා.
යුද හමුදාපතිවරයා විසින් පසුගිය 15 වැනි දින මෙම නඩුව පැවරූ අතර පැමිණිල්ලේ කරුණු සලකා බැලූ ප්රධාන මහේස්ත්රාත්වරයා අපහාසාත්මක කරුණු ඇතුළත් වීඩියෝ ප්රකාශ සහ දර්ශන අන්තර්ජාලයට උඩුගත කිරීම
,බෙදා හැරීම වළක්වමින් කොන්දේසි සහිත තහනම් ආඥාවක් විත්තිකරුට එරෙහිව නිකුත් කරමින් ඊයේ දින අධිකරණය ඉදිරියේ කරුණු දක්වන ලෙසට නියෝග කර තිබුණා.
Thailands, laose arahe mehe pana pana hitiye den lankaweda apahu ? Maru porawal