කොළඹ රිමාන්ඩ් බන්ධනාගාරයේ රඳවා සිටි සැකකරුවෙකු බැලීමට අමුත්තන් පෙන්වන ස්ථානයට පැමිණි පුද්ලයෙකු එම සැකකරු වෙත ලබාදීමට රැගෙන ආ චොක්ලට් බිස්කට් පැකැට්ටුවක සියලුම බිස්කට් තුළ ඉතා සුක්ෂම අයුරින් දුම්කොළ කැබලි සඟවා තිබියදී අත්අඩංගුවට ගත් බව බන්ධනාගාර කොමසාරිස් (මාධ්ය ප්රකාශක) ගාමිණි බී. දිසානායක පවසනවා.
සැකකරුට ලබා දීමට යන අවස්ථාවේ දී එම ස්ථානයේ සෝදිසි කිරීම් රාජකාරී කළ බන්ධනාගාර හදිසි ප්රතිචාර උපක්රමික බලකා නිලධාරීන් අදාල පුද්ගලයා අත්අඩංගුවට ගත් බවයි සඳහන් වන්නේ.
මෙම දුම්කොළ රැගෙන ආ පුද්ගලයා පිළිබඳ ඉදිරි නීතිමය කටයුතු සඳහා බොරැල්ල පොලිසියට භාරදුන් බවත් කොළඹ රිමාන්ඩ් බන්ධනාගාරය ද විමර්ශනයක් ආරම්භ කර ඇති බවත් මාධ්ය ප්රකාශකවරයා වැඩිදුරටත් කියාසිටියා.
