මාර්ග නීති උල්ලංඝනය කිරීම් සඳහා නිකුත් කරන දඩ පත්රිකා ගෙවීම සඳහා බස්නාහිර පළාතට අයත් තැපැල් කාර්යාල පැය 24 පුරා විවෘත තැබෙන බවට නියෝජ්ය තැපැල්පතිවරයා දැනුම් දී ඇතැයි බස්නාහිර පළාත් පොලිස් රථවාහන කොට්ඨාසය පවසනවා.
ඒ අනුව බොරැල්ල, වැල්ලවත්ත, හැවොලොක් ටවුන්, දෙහිවල, මොරටුව, පානදුර, කළුතර, කොටහේන, කොම්පඤ්ඤවීදිය, බත්තරමුල්ල, ගල්කිස්ස, නුගේගොඩ සහ සීතාවකපුර යන තැපැල් කාර්යාලවලින් පැය 24 පුරා දඩ කොළ ගෙවිය හැකි බවයි වාර්තා වන්නේ.
