අංක එකේ නිල ඇඳුමින් සැරසී මහාධිකරණයට යන අතරවාරයේ දී සම්බාහන මධ්යස්ථානයක සේවය ලබා ගැනීමට ගිය පොලිස් සැරයන්වරයෙකු යක්කල පොලිස් ස්ථානය වෙත රැගෙන විත් නිල ඇඳුම පොලිස් භාරයට ගෙන ප්රකාශ ලබාගෙන මුදාහැර ඇතැයි පොලිස් මූලස්ථානය පවසනවා.
මෙලෙස මුදා හැර ඇත්තේ දොම්පෙ පොලීසියට අනුයුක්තව සේවය කරන පොලිස් සැරයන්වරයෙක්.
සැරයන්වරයා මහාධිකරණය වෙත ඉදිරිපත් කිරීමට තිබූ ලේඛන දොම්පෙ පොලිසියේ වෙනත් නිලධාරීවරයෙකු යක්කල පොලිසියට ගෙන්වා යොමු කිරීමට කටයුතු කර තිබෙනවා.
යක්කල පොලිස් වසමේ නුවර පාරේ සම්බාහන මධ්යස්ථානයක සේවය ලබා ගැනීම සඳහා පොලිස් නිල ඇඳුමින් සැරසී පුද්ගලයකු පැමිණ සිටින බවට යක්කල පොලිසියේ ස්ථානාධිපතිවරයාට ලද තොරතුරකට අනුව නිලධාරීන් කණ්ඩායමක් එම ස්ථානය වෙත යවා එහි රැඳී සිටි සැරයන්වරයා යක්කල පොලිසිය වෙත රැගෙන ඒමට කටයුතු කර ඇති බව සඳහන්.
