“මේ කවුරු හරි ලඟ තියෙනවාද ස්නයිපර් එකක් සැප්තැම්බර් 07 වැනිදාට ගන්න එප්පාවලට රට කාපු ලොකුම කාලකන්නි හොරා එනවා ඌට වෙඩි තියන්න” කියමින් ජනාධිපතිට තර්ජනය කර ෆේස්බුක් හි සටහනක් තැබූ බව කියන තරුණයා එළඹෙන 08වනදා දක්වා රිමාන්ඩ් බන්ධනාගාර ගතකර තිබෙනවා.
ඒ අපරාධ පරීක්ෂණ දෙපාර්තමේන්තුව විසින් අත්අඩංගුවට ගත් ඔහුව කොළඹ මහෙස්ත්රාත් අධිකරණය වෙත ඉදිරිපත් කිරීමෙන් අනතුරුවයි.
ඔහු එප්පාවල, මැඩියාව ප්රදේශයේ පදිංචි 19 හැවිරිදි තරුණයෙක් වන අතර ඔහු චූන් පාන් වෙළෙඳාමේ නිරතව සිටින්නෙක්.
එප්පාවල උත්සවයකට පැමිණෙන ජනාධිපතිවරයා ඝාතනය කිරීම සඳහා ස්නයිෆරයක් අවශ්යය බව පවසා මුහුණු පොතේ සටහනක් තැබූ මෙම තරුණයාව අපරාධ පරීක්ෂණ දෙපාර්තමේන්තුව විසින් සැකපිට අත්අඩංගුවට ගනු ලැබුවේ 03 දින පෙරවරුවේ.
කෙසේ වුව ද උතුරු මැද පළාතේ පැරණිතම පාසල වන එප්පාවල ශ්රී සිද්ධාර්ථ ජාතික පාසලේ 150 වැනි සංවත්සර සැමරුම වෙනුවෙන් එළැඹෙන 07 වන දින පස්වරු 03.00 ට ජනාධිපති වික්රමසිංහ සහභාගී වීමට නියමිත අතර, එහිදී එප්පාවල ශ්රී සිද්ධාර්ථ ජාතික පාසලේ 150 වැනි සංවත්සරය වෙනුවෙන් සමරු මුද්දරයක්ද නිකුත් කිරීමට නියමිතයි.
