2025 වර්ෂය වන විට විභාග නිසි පරිදි පැවැත්වීම සඳහා අවශ්‍ය වැඩපිළිවෙළ සකස් කර ඇති බව අධ්‍යාපන අමාත්‍ය සුසිල් ප්‍රේම්ජයන්ත් අද (24) පාර්ලිමේන්තුවේ දී ප්‍රකාශ කළා.
උසස් පෙළ විභාගය පෙබරවාරි පළමු වන දා අවසන් වන බවත් උත්තර පත්‍ර සමීක්ෂණය සඳහා අවශ්‍ය වැඩපිළිවෙළ මේ වනවිට සකස් කරගෙන යන බවත් අමාත්‍යවරයා පවසනවා.
මෙවර උසස් පෙළ විභාගයේ උත්තර පත්‍ර සමීක්ෂණය කරන ගුරුවරුන්ට හා විශ්වවිද්‍යාල කථිකාචාර්යවරුන්ට පසුගිය වසරේ දී ලබාදුන් දීමනා ලබාදීම සඳහා තමා විසින් අමාත්‍ය මණ්ඩලයට සංදේශයක් ඉදිරිපත් කර ඇති බවත් ඒ කටයුතු මේ වනවිට සිදුකෙරෙමින් පවතින බව වැඩිදුරටත් සඳහන් වෙනවා.
